Anton Tcexov

Anton Tcexov

1860-1904 Rossiavaf suterotik

Anton Pavlovitc Tcexov bak 1860 koe Taganrog koe Krima koblir, i nazbeik ke dolekik is veynazbeik ke levetirik. Koe bata widava zo gaar aze va selaropa koe Moskva vayar. Soe ta sutera iskedar nume va yona brafa kuda toz sanegar abdida va intafa kelda trasir, i va tela ke berpotik is wenyaxik skeus va kot anteyas uum ke ilkuca is ayablira. Bak 1888, Ivanov inafa taneafa wenyaxa awir, i kakevesa va kiewatca kaiki konaka yovaraja. Blira ke Tcexov, batvieli, va wexayesa bifa mea dadir, rade koyara kal Saxalin ewala koo lapison Sibira az keno dimlapison krimteem ke India. In va yon valdig icde bata koyarapa isker, ko « Saxalin ewala » berpotam (1891) isu « Rezgalexo » (1892). Bak aelakola apkasa va geefa Rossia remi 1892/1893, va galerafa grelera paker. Azon, va jontika tanda koe intafa waba ke Melixovo poke Moskva tiskir, lize va cugak ke intaf grot suter. Radimi rodjera dene Aleksandrinski wenyaxe ke Sankt-Petersburg, « Lofta » wenyaxa va katcalafa kiewatca dene Stanislavski wenyaxe koe Moskva kazokever. « Vania ziavik » (1899) drunta az « Baroya berikya » (1900) az « Ranetaxo » (1904) vanion awid ise kiewatcon zo zirsed. Inaf negeem ticfipir nume in va laumasa saneuca wetce remtrakusik va milsaref sok isu ruatceem pojar. Kotcakoles, Tcexov ko Krima gonobulur lizu ko Germana is Franca ta kevropera konakviele lapir. Bak 1903, va Olga Kniper jotaf wenyusik kurer. Tcexov bak 1904 koe Badenweiler koe Germana bal apkazura mulufter.

Anton Tcexov  Blira 1860-1904  Ava Rossiava  Suterind Wenya, Berpot   Suterot Wenyaxa Платонов (1880) На большой дороге (1884) О вреде табака (1886) Калхас (1887) *Иванов (1887—1888) Медведь (1888) Предложение (1888) Свадьба (1889) Леший (1889) Татьяна Репина (1889) Трагик поневоле (1889) Юбилей (1891) Дядя Ваня (1896) Чайка (1895—1896) Три сестры (1900) Вишнёвый сад (1903) Larma Драма на охоте (1885) Огни (1888) Степь (1888) Скучная история (1889) Дуэль (1891) Палата № 6 (1892) Рассказ неизвестного человека (1892) Чёрный монах (1894) Моя жизнь (1896) Мужики (1897) В овраге (1899) Berpotam Смерть чиновника (1883) Толстый и тонкий (1883) Загадочная натура (1883) Лошадиная фамилия (1885) Ванька (1886) Детвора (1886) Мальчики (1887) Володя (1887) - Volodya Беда (1887) - Volkaluca Налим (1887) - Viruda Без заглавия (1888) Студент (1894) Дом с мезонином (1896) В родном углу (1897) Дама с собачкой (1898) Невеста (1903)

wp-de:Anton Pawlowitsch Tschechow wp-en:Anton Chekhov wp-eo:Anton_Ĉeĥov wp-es:Antón Chéjov wp-fr:Anton Tchekhov wp-it:Anton_Čechov wp-pt:Anton Tchekhov wp-ru:Чехов, Антон Павлович wp-tr:Anton Çehov