NyagaceemScapin Nakileem02 Nakila04
Toleaf nakileem, balemeafa nakila[modifier]Carle : Weltik, va warzotaj icde rinafa renara vanburé. Léandre : Va tokcoba ? Carle : Rinaf misrik va Zerbinette fu gulded, ise miv inya, ton ikuza ticu ita, va jin al vajger da va rin wiluon kevlaní enide di kalí da, ede arti toloy bartiv erba eruyuna ika in me al zo co-vanbureter, pune parmon co-kaldrasutul. Léandre : Arti toloy bartiv ? Carle : Arti toloy bartiv. Léandre : Ax ! Kimtaf Scapin, va rinafa grelera dildé ! Scapin, ~ oklon kabduolanison va in ~: « Ax ! Kimtaf Scapin. » Jin tí « kimtaf Scapin » viele zo olegá ! Léandre : Lanil, va rinon kaliyina kotcoba ixé, ise loon ede va batcoba pu jin al askí. Scapin : Me, me, va mecoba ixel ! Rem jinafo alto dugal ! Zo felbeté ede va jin co-atal ! Léandre : Me. Lodame va rin dildé da zanison va jinafa renara, blira zo co-zilir ! Scapin : Me, me : Va jin atason lokiewon askitil ! Léandre : Mu jin til tciamarsaf ; nume bliké da mu jin va mafelafa nomyeluca jiadasa va kotcoba djuyazgal. Scapin : Me : va jin atal, kalí ! Léandre : Ax ! Vay, va batcoba mea modoval voxe va jinon eruna grelera undel ! Octave : Scapin, mu ine va kotcoba gonaskil ! Scapin : Tokinde, kaiki mana kantara ? Léandre : Dildé da va jinafa perlera vulkul ise va abica obliuca miazilil. Octave : Va jinafa blikera do tela inafa zokevé. Scapin : Bata pobaxa tir bene jinafa takra. Octave : Va vidjera gojovlel. Léandre : Scapin, kas va jin co-djujovlel, koe udutafa axoda lize jinafa renara dilizer ? Scapin : Rin va jin al mekenon bagepel ! Léandre : Kiové, movú. Scapin : Rin, va jin ton rotuxasik is tozekik is krizik askipel ! Léandre : En batcepé ! Scapin : Va jin rem alto djudugayal ! Léandre : Pu rin icdeon ixedá ; ise tit rin va int gomimá, nume, Scapin, askí ise va rin gire dildé enide va jin me jovlel ! Octave : Ax ! Edeen ! Scapin, gokevnalel ! Scapin : Ranyal ! Arviele, me titil lieke wiluf ! Léandre : Kas abdiplekul da mu jin kobatal ? Scapin : Modovatá. Léandre : Vexe grupel da abic ugal zavzar. Scapin : Me zegapal. Va tokoy erbolk olegal ? Léandre : Va alub-decemoy erbolkap. Scapin : Ise rin ? Octave : Va tol-decemoy erbolkam. Scapin : Male toloye gadikye va bata erba djumimpá. Icde bate randay ixam tir trasiyin ; voxe luxe bane, batcoba dace titir loon opelafa kire ine icde ormura va abica nerla dir voxe soe tir totcidapaf, ise folí da ine tir ayindik sofolis va betcoba ke artan. Batcoba va rin me kantar : wale kottol va meka vektasacama ; ise va vil ke kottan grupeckel, da in anton tazukkoron tir rinafe gadikye. Léandre : Scapin, tarkal ! Scapin : Loxe, loxe, win gu batcoba krafiarsac : kas nulec ? Vexe va pise gadikye ke Octave kozwí. Larde ine vanlanir, guon tenut. Kottol, mallanic. Voxe rin, va Silvestre walzel enide in kalion di pir aze di yordar. |
| |||||||||||||||||||||||||||||||||||||||
 Toleaf nakileem |
