NyagaceemScapin Nakileem02 Nakila01
Toleaf nakileem, taneafa nakila[modifier]Géronte : En, arse, tuke re saz, korik batliz revielon titid ; ise birelik mal Taranto pu jin al ravaldar da va jinaf ayik fu kototawes al wiyir. Vexe artlapira ke jinafa nazbeikya kapbure minafa dragera va debalaja trasitir ; ise rinafa kocenkara icde rinafe nazbeikye va minafa sintafa sabega divulon joar. Argante : Me zegal : dulzé da va bat lirk gotrovgá, nume ta skura vere laní. Géronte : Folixé ! Argante Jiomaik, djumel da pu rin kalí ? Gaara va nazbeik tir gosuvenacapa. Argante : Arse, icde tokcoba ? Géronte : Icdeon yikafa emdavujura va gaajara getcana gan gadikye cugviele daned. Argante : Batcoba konakviele sokir. Vexe va tokcoba batinde sugdalal ? Géronte : Va tokcoba batinde sugdalá ? Argante : En. Géronte : Da ede rin, wetce sintaafe gadikye, va intaf nazbeik co-codapayal, in va rin me co-tafuyur. Argante : Kiewapafa. Nume rin va tel intaf loeke al codal ? Géronte : Arse, nume co-zidepé ede in va mancoba pu jin co-askiyir. Argante : Ise ede bat nazbeik, maneke codayan gan rin wetce gadikack, lorotapon dam tel jinaf co- askiyir ? Ex ? Géronte : Va tokcoba ? Argante : Va tokcoba ? Géronte : Va tokcoba batcoba sugdalar ? Argante : Batcoba sugdalar, Géronte jiomaik, da ta lanzara va linulara ke artan, sotil leon wiluf ! ise ede kontan djuflider, den int godisukecker ede kotcoba dojeniar. Géronte : Va bata wekima me gildá. Argante : Mbi pebutul. Géronte : Kas icde jinafe nazbeikye va koncoba co-gildeyel ? Argante : Rotir. Géronte : Ise va ara tokcoba ? Argante : Rinaf Scapin, va jin aundeson, va coba anton vanpokeon al kalir ; ise gan in ok artan pintanon zo rokocenkatal. Luxe jin, enide va aluteik di rupé kalion laní aze va yona gonaskina gorara boyoté. Kali boreon. |
| |||||||||||||||||||||||||||||||||||||||
 Toleaf nakileem |
