U men kidi - poèm

Le contenu de cet article provient du défunt wiki sur l'uropi.

Poèm pa Robert Louis Stevenson

Be sep, wan i it a led,

I find sul’ imaʒe in mi ment,

Ki dragone valgan aròn kastele,

Gardine wo un find maʒiki frute;

Lovi damas in u tor inkarsen,

O perlasen in u fost insaren;

Wo galan kwalore rait su ber rijis

We se de frontias da landi soinis.

I find ja, sa klarim in mi ment

Be sep, wan i it a led.

Be sep, revos ma vekan

De maʒiki land i cek in van;

U sel se stan za wo stì de kastèl,

De gardini bod wen u tapìz cel.

Nun feja se vadan tra de plor,

Bote, ne kwalore, se stan ner de dor,

Id wo de blu rije sì flujan ki rikle

Num u banar id vodikrùg je ste;

I cek de maʒiki land in van

Be sep, revos ma vekan.

Original titel: A Child's Thought