Wira va klita ke Bamileke prostewafa kurera

{{TextQuality|75%}}
<div style="margin-top:1.2em;font-size:140%;">
<center>'''Bamileke prostewafa kurera'''</center></div>
<center>''Bamileke prostewa (Camerouna)''</center>


{|width="100%"
|-
|rowspan="4" style="background:#FFFFF5; border:1px solid #F0F2CE; vertical-align:top; padding-left:1em; padding-right:1em; text-align:justify; width:72%;"|

==Prostewafa kurera== 

Gadikeem ke stekefe kurenikye va stekef ikanazbeik kiblayar. Toloy pak stujeyeson da vanmiae kota yasa mek diwedik tir is ageltayason va sintaf sumef ik pokef vuwaceem, fiptevla ta prostewafa kurera zo titickar. Ba batcoba, yasa ke ayikye va tela ke ayikya denlanir aze yaleson pu kot yasik ke stekefa kurenikya, kurerafipta ton keyaksera va buelera tozuwer.

Moi yalera is nalera va firvikseem ke yasa ke stekeikya, stekef kurenik pu stekefa ikayasa, tulon firvison va yona roga isu vage ikz- va renara zilitina pu intaf stekef kurenik azon gowazder. Stekeikya va vageeem firvin gan stekeikye isu rogeem gonoburer.

Yasa ke stekefa kurenikya va vageeem firvin gan stekeikye karolar. Batvielu yoni folidaki pu kot pakesik va fipta zo ziliwaled. Yasa adim belcon tigid.

Ta fiptara stekefa kurenikya va tanoy galemacek dem piulida pu intafe gadikye taneon bundar aze do stekef kurenik isu ikagadikye va ar walzilir. Nume tolonga wetce kurenikeem zo dakter.

Dure, prostewafa kurera al towar ; saneliavertokik gu fipta va prostewafa kurera zo roganer, aze va kurenikeem kan winugaf tegiv tenion yerumar. Soe toloy espusik zo royerumad aze va sint prostewon rokured. 

|style="vertical-align: top;"|
{{Krent_Iyelt_Kotava
| xanto_vergumvelt = '''Bamileke prostewafa kurera'''
| xanto_sutesik = Bruno Cordelier
| xanto_piskura = -
| xanto_ava = [http://www.kotava.org/index.php Kotava]
| xanto_evla = 2012
| webesik = [[Favesik:Bcordelier|Bcordelier]]
| krentduga = [[Image:75%.jpg]] Gotuenana
| kseva1 = #FFFF80
| kseva2 = #FFFFC0
}}
|}

[[Loma:Prostewa]]
[[Loma:Prostewafa kurera]]
[[Loma:Nega]]
[[Loma:Kotavaf sutesik|Cordelier (Bruno)]]