Wikikrenteem:Krentduga
Kotavaxa koe Wikikrenteem tid gedradugafa.
Viele krent zo koxadolar ise zo loplekur, zolonafa da blodaf webesik va avaduga tagelton is mukodon karolar. Ae, Kotava tisa warzafa ava is konaka fabdura dilizeyesa isu betara mali redura, is dere enafa eka ke sutesik ik kalkotavasik, krentduga nobon zo rotakler.
Dugabil zo gotuyur. Zolonafa da kontan ta gara va "straga" gu kot krent vuester. Batinde trasit :
Brevizayana is varafa kotavaxa
Tolbeliyina is tuwadayana kotavaxa
Viele webesik trakur da va kotavaxa rotulokiewapar, va sutesik ik plekuyus webesik gonuzerar aze va gobetara doon di guzekar. Diotexanya battode co-tir, nelkon ede betapara su zo vanbured, redura va toleafu bu icde bata kotavaxa, kotu tcazedasu va kot siatos (bat va tozuraf krent is ban va tunoelayan).
