Dotrakuks DRGPK TGK 1995

"DRGPK Dotrakuks ke TGGP is TGK", walvedeyaf dotrakuks (1995)

Dotrakuks ke Tamavaf Grustaks va Gruadafa Pilkuca is Tamavaf Grustaks va Kaza Abdipulviks Tamavaf Grustaks va Gruadafa Pilkuca (TGGP) is Tamavaf Grustaks va Kaza (TGK), Pu sint djupendes va belcelafa zobera is ta kalvekafa sabegara icde sintafa dotegira, Va vleveaceem akvavad : I-eaf teliz : Tutrelanaceem Ta bat dotrakuks, tutrelanaca yo tid : i) « TGGP » — Tamavaf Grustaks va Gruadafa Pilkuca; ii) « TGK » — Tamavaf Grustaks va Kaza ; iii) « Walvedeyafo Bazaxo » — Walvedeyafo Bazaxo ke TGGP ; iv) « Bewik ke TGK » — zubiesik va Dotrakuks kizes va Tamavaf Grustaks va Kaza ; v) « Dotrakuks icde DRGPK » — Tel Dotrakuks icde kerdeleem ke Rokeem va Gruadafa Pilkuca kapbure Kaza, mukot ke 1C notraca ke tel Dotrakuks kizes va Tamavaf Grustaks va Kaza ; vi) « Paris Akvava » — Paris Akvava ba 20/03/1883 icde monendara va rabafa pilkuca inde tir fabduyuna ; vii) « Paris Akvava (1967) » — Paris Akvava ba 20/03/1883 icde monendara va rabafa pilkuca inde tir fabduyuna ba 14/07/1967 koe Stockholm ; viii) « erbilok » — tori Bewik ke TGK, tcalok ik nilt ik kotar sokerbilok ke Bewik ke TGK, ok kota inon ikatcuna sugda iku winugaf grupay va stujera ok ozera, ok, tori walboweref walvedeyaf grustaks, tcalok ik nilt ik ar ebilok ik ori ik yolt ke grustaks. II-eaf teliz : Mweem is vertoteem 1) [Vansara ke bewik ke TGK ik tan inaf sokik va mwa ik vertot tis koe dotay ke TGK] Walvedeyafo Bazaxo pu kot Bewik ke TGK is inaf sokik va krent ke mwa ik vertot is inaf remsuteks yo kruldes koe intaf dotay erunon dafur milinde pu bewafa Soka ke TGGP ik inaf sokik. 2) [Vansara va talpeyotopaf origak] Kot Bewik ke TGK is intaf sokik, milgropon gu bewafa Soka ke TGGP ik inaf sokik, va kot mwakiraf ok vertotkiraf talpeyotopaf origak ke Walvedeyafo Bazaxo vansar. Vansara ke Suteptikafa Zaniga ke TGK va kota origakinda va meka dodera pu TGGP mukotar. 3) [Vansara ke Suteptikafa Zaniga ke TGK is Pirdot ke DRGPK va mwa is vertot tis koe dotay ke TGGP] a) Ede ba evla viele Bewik ke TGK va mwa ok vertot sedme 63-eaf:2 teliz ke DRGPK Dotrakuks tozuron kowalzer, va bata mwa oku vertot ok inaf remsuteks pu Walvedeyafo Bazaxo al ixam goler, ise ede va dakteks pu Suteptikafa Zaniga ke TGK batenide al stakser, ise ede tel krent ke bata mwa oku vertot oku remsuteks koe dotay ke Walvedeyafo Bazaxo geltron krulder, battan va tulok pu Suteptikafa Zaniga ke TGK erunon faston zilir. b) Ostik, ede, ta ksubera va intaf vebaneceem sedme 68-eaf teliz ke DRGPK Dotrakuks, tulon ta suzdara va flira ke bat dotrakuks ok pomara orkon gu walzvaktenekara, Pirdot ke DRGPK ke TGK va krent ke bata mwa oku vertot ok tan sinaf remsuteks (krent abdion meziliyin pu Suteptikafa Zaniga ke TGK rape a: volveylurk is kruldes koe dotay ke Walvedeyafo Bazaxo) co-olegar, erunon gan Pirdot ke DRGPK ok Suteptikafa Zaniga ke TGK battan va tulok ke erun krent pu Suteptikafa Zaniga ke TGK faston zilir. c) Walvedeyafo Bazaxo, pu Suteptikafa Zaniga ke TGK lidam bewafa Soka ke TGGP, va loplekuf tulok yo ke krent ke mwa ok vertot ok remsuteks (krent ziliyin rape a: volveylurk isu b:) is tulok yo ke krent ke kotara mwa oku vertot is sinaf remsuteks erun gan Suteptikafa Zaniga ke TGK is kruldes koe dotay ke Walvedeyafo Bazaxo dafur. d) Walvedeyafo Bazaxo va favera va krent ke mwa oku vertot iku kalavaks goleyen rape a: volveylurk oku b: oku c: gan Suteptikafa Zaniga ke TGK vol irutar. 4) [Mwa se kazawana gan Suteptikafa Zaniga ke TGK bas Bewik ke TGK isu vertot yo] a) Suteptikafa Zaniga ke TGK va tulok ke krent ke mwa (krent kazawayan bas Bewik ke TGK rape 63-eaf:2 teliz ke DRGPK Dotrakuks, koe kazawayana ava ke krent isu tazuk) oku vertot pu Walvedeyafo Bazaxo faston remplekur, aze Walvedeyafo Bazaxo ko intaf dotay va krent ke bata mwa oku vertot rundar. b) Walvedeyafo Bazaxo va radimifa favera va krent ke mwa oku vertot remplekuyun rape a: volveylurk vol irutar. 5) [Remsutera va mwa is vertot] Walvedeyafo Bazaxo pu vonewesa patcta yo tisa anton bewafa gu TGK lidam vonewesa patca yo bewafa gu TGGP, va milafa tcicera ta remsutera va mwa ik vertot kapbure 63-eaf:2 teliz ke DRGPK Dotrakuks koderaykar. III-eaf teliz : Fosara va 6-3 teliz ke Akvava Paris ta DRGPK Dotrakuks 1) [Jadiaca yo] a) Diotexa se icde remplekura va erbilok is golera va kevbenura nope DRGPK Dotrakuks gan Welvedeyafo Bazaxo rape diotexeem rorewan nope 6-3 teliz ke Akvava Paris (1967) zo ristud. b) Walvedeyafo Bazaxo pu akvavasa Soka ke Paris Akvava Bewik ke TGK va inton ixam goleyen erbilok nope 6-3 teliz ke Paris abdi 01/01/1996 ok evla viele bata Soka radimion vanpiyir Bewik ke TGK me toleon goler ; va meka kevbenura kazawayana bas bat Bewik ke TGK icde bat erbilok dere remplekur ede vaon al kazawar arti lo 12 aksat mali da bata Soka vaon al kazawar nope 6-3 teliz ke Paris Akvava. 2) [Kevbenura se] Luke 1:a: lurk, Walvedeyafo Bazaxo pu dulapes Bewik ke TGK ok dulapes walboweref walvedeyaf grustaks remplekur va kota kevbenura ke Bewik ke TGK icde erbilok goleyen pu Walvedeyafo Bazaxo gan ar Bewik ke TGK, luke kazawarevla, ede icle tan bat Bewik ke TGK tir meakvavas va Paris Akvava, is va kota kevbenura icde erbilok ke walboweref walvedeyaf grustaks ede bata bas Bewik ke TGK meakvavas va Paris Avava ok ganon megonendas va erbilok ke walboweref walvedeyaf grustaks zo kazawayar. Gewobakseem ke bat ironokaf blayak tir meturestaf gu santolkedja abdiwina icde tazukoyera va kevbenura. 3) [Giva se godafuna pu Suteptikafa Zaniga ke TGK] Walvedeyafo Bazaxo va giva se icde kot erbilok golen pu int gan Bewik ke TGK ok pu man Bewik gan int, pu Suteptikafa Zaniga ke TGK dafur. IV-eaf teliz : Bruberokopafa tcicera is brubefa dotegira 1) [Koderaykara va bruberokopafa tcicera is brubefa dotegira] Walvedeyafo Bazaxo pu vonewesa patcta yo tisa anton bewafa gu TGK lidam vonewesa patca yo bewafa gu TGGP, va milafa bruberokopafa tcicera icde DRGPK Dotrakuks koderaykar. Suteptikafa Zaniga ke TGK pu vonewesa patcta yo tisa bewafa gu TGGP vols TGK lidam vonewesa patca yo bewafa gu TGGP, va milafa bruberokopafa tcicera icde DRGPK Dotrakuks koderaykar. 2) [Dotegira ke Walvedeyafo Bazaxo is Suteptikafa Zaniga ke TGK] Walvedeyafo Bazaxo is Suteptikafa Zaniga ke TGK ektudad da va sintafa dotegira xuton gu tegiraca yo ta bruberokopafa tcicera is brubefa dotegira kapbure DRGPK Dotrakuks tulopoad, va tegiraca yo ektudana pu vonewesa patcta yo, ta tucugara va bata tegiraca yo ise ta da sin va levgise belcele plekud. 3) [Givazilikevera] Ta 1-eaf lurk isu 2-eaf, Walvedeyafo Bazaxo is Suteptikafa Zaniga ke TGK gidogoled ise va mebirgakorafa giva se gizilikeved. V-eaf teliz : Tenus gewobaks yo 1) [Tudrumkawera ke bat dotrakuks] Bat dotrakuks ba 1-eaf viel ke taneaksat 1996. 2) [Betara va bat dotrakuks] Bat dotrakuks dotrakunon gan akvavasikeem tir robetan. 3) [Kaagdera va bat dotrakuks] Ede tan akvavasik va bat dotrakuks pu ar sutenon kowalzer, bat ten tukeskar arti tanda mali kowalzera, vaxede koe kowalzera lodabrotciaca al zo bazer oke akvavasikeem va amidafa edja belcon gorad. Askin koe Genève, ba 22 tolsaneaksat 1995.

Xanto   Vergumvelt Accord ADPIC/OMPI-OMC, 22/12/1995, Genève Sutesik TGK/TGGP Piskura - Ava Englava Evla 1995   Kalkotavara   Vergumvelt "DRGPK Dotrakuks ke TGGP is TGK", walvedeyaf dotrakuks Kalkotavasik Daniel Frot Piskura - Evla 2008 Klita Kalkotavaks   Krentduga   Webesik Troubadour Krentduga Tuenayan