Difference between revisions of "NyagaceemScapin Nakileem01 Nakila05"

Taneaf nakileem, alubeafa nakila

Silvestre : Welidá da til ayikap, acum arienta dilizenher ; vexe erba, ostik, ta laptera va cin xuvar, ise korik se kotlizu vanon ied.

Scapin : Iskel da askí, foalk zo trasir. Ta da in va obran koredik zirser, koe taka, va sagaf kontel anton aneyá. Kel ! Tinhil rontaf ! Dum rotik va gom vanludeval ! Moe tanoya nuga til ! Mo kril va ma plekul ! Va zidapaf iteem nedil ! Dum wenhagazik avlamal ! Batcoba tir kiewafa. Va jin radimolanil ! Ta efura va rinafa gexata isu puda va birga se grupé.

Silvestre : Icle va rin ogolé ta da do malherot va jin me seletel.

Scapin : Lanil, lanil : va iyeleem beron pakatat ; ise lofa ok lefa barda moe efruda va olukaf takrakirik me azavzatad.