Sersikam Luz19

Sersikam

San-lerdeaf luz Sersikam va ontinafa mevtava tidlaniyir. Baroy tculk ontinaf gu bade tiyid tela antafa inon grupeyena mevtava se. In wetce kaspa va kenibes tculk faveyer. « Tide mevtava ontinafa dum bata, va int kle ve kaliyir, va kotafa winta isu ayikeem tanitason kozwití… » Vexe va cuynapaf pistokuul yo anton ve kozwiyir. - Kiavá, xuyavanhon ve kaliyir. - Kiavá… Kiavá… Kiavá… kro ve dulzeyer. - Toktan tic ? sersikam ve kaliyir. - Toktan tic... toktan tic... toktan tic... kro ve dulzeyer. - Tic jinaf nik yo, tí antaf, in ve kaliyir. - Tí antaf... tí antaf... tí antaf... kro ve dulzeyer. « Mana nickafa winta ! in bam ve trakuyur. Bata en sotir rodafa is uulafa is eipkirafa. Ise ayikeem gigestagracir. Va kaline gitolkalir… Deneon, va imwa digiyí : dana kotviele taneon pulviyir… »

Xanto   Vergumvelt Le Petit Prince Sutesik Antoine de Saint-Exupéry Piskura - Ava Francava Evla 1943   Kalkotavara   Vergumvelt Sersikam Kalkotavasik Pierre Van Moorgen Piskura Kotava.org Evla 2008 Klita Kalkotavaks   Krentduga   Webesik Sab Krentduga Tuenayana

Sersikam (Saint-Exupéry) ← 18-eaf luz - 19-eaf luz - 20-eaf luz →