NyagaceemScapin Nakileem01 Nakila01
| ||||
|---|---|---|---|---|
| Vergumvelt | Les fourberies de Scapin | |||
| Sutesik | Jean-Baptiste Molière | |||
| Piskura | - | |||
| Ava | Francava | |||
| Evla | 1671 | |||
| ||||
| Vergumvelt | Nhagaceem ke Scapin | |||
| Kalkotavasik | Staren Fetcey | |||
| Piskura | - | |||
| Evla | 2006 | |||
| Klita | Kalkotavaks | |||
| ||||
| Webesik | Vieux Daniel | |||
| Krentduga |  Gotuenan
| |||
Taneaf nakileem, taneafa nakila
Octave : Ax ! Warzotaj tori renas takrakirik ! Olgafa geltraca yo va jin steged ! Silvestre, moe molt su remravel da jinafe gadikye fu dimpir ?
Silvestre : En.
Octave : Da ba bata gazda fu artpir ?
Silvestre : Ba bata gazda.
Octave : Ise da djukureson va jin dimpir ?
Silvestre : En.
Octave : Do nasbeikya ke Géronte jiomaik ?
Silvestre : Ke Géronte jiomaik.
Octave : Ise da male Tarento battana batliz taon zo foxier ?
Silvestre : En.
Octave : Ise va man warzot gan jinafe ziavikye grupel ?
Silvestre : Gan rinafe ziavikye.
Octave : Pu tel kan twa jinafe gadikye vaon al foxiel ?
Silvestre : Kan twa.
Octave : Ise bat ziavik, kalil, va kota minafa arienta gruper.
Silvestre : Va kota.
Octave : Ax ! Pulvil, ede djumel, acum mal rinaf art va ravlem se batinde gosoltiolté.
Silvestre : Tokdume loon co-gopulví ? Va mek goaspil drasul ise va cobeem tagelton kalinhil.
Octave : Va jin pirdal, icle, ise koe mana udutaca puon va gonaskine kalil.
Silvestre : Kax ! Lion dam rin zo tokté, ise co-oleganhá da miv zo pirdá.
Octave : Gan bata rotapstana dimpira zo adjubé.
Silvestre : Lieke dere jin.
Octave : Viele jinafe gadikye va cobeem raveter, mo jin laizafo xefto dem trucaf vorcereem di lubeter.
Silvestre : Vorcera se tid mecoba ; ise pokolepé da gan kelt mandroe zo co-falé ! Vexe tinhí lanaf da, jin, va rinaf oviskaceem lodroe fu dodé, ise va tazukawes peyas rujod lubes mo jinaf epiteem wí.
Octave : Ey kelt ! Va bata tisa debalaja toklizo romalbulú ?
Silvestre : Abdi da va int koon mimayal, co-undemeyel.
Octave : Ax ! Kan mana mecadimafa tavera yo va jin atal.
Silvestre : Kan rinaf gariandaceem va jin loon atal.
Octave : Va tokcoba gonaskí ? Tokinde gogorá ? Va tok wayot govidú ?
 Taneaf nakileem |
