Sersikam Luz12
Un article de Wikikrenteem.
| ||||
|---|---|---|---|---|
| Vergumvelt | Le Petit Prince | |||
| Sutesik | Antoine de Saint-Exupéry | |||
| Piskura | - | |||
| Ava | Francava | |||
| Evla | 1943 | |||
| ||||
| Vergumvelt | Sersikam | |||
| Kalkotavasik | Marjorie Waldstein | |||
| Piskura | Kotava.org | |||
| Evla | 2007 | |||
| Klita | Kalkotavaks | |||
| ||||
| Webesik | Sab | |||
| Krentduga |  Tuenayan
| |||
San-toleaf luz
Moe azafa winta ulisik sokeyer. Bata worara jijamayar, vexe ko kexapaca va sersikam ve estobayar :
- Va tokcoba batlize askil ? pu ulisik tis amlitaf kabdue dotay dem vlardaf tirac yo is dotay dem kotraf tirac yo in ve kaliyir.
- Jin ulí, ulisik krijon ve dulzeyer.
- Tokdume ulil ? sersikam ve eruyur.
- Ta da vulkú, ulisik ve dulzeyer.
- Ta toka vulkura ? sersikam ixam vaon temas ve abreyer.
- Ta da vulkú da tí kinokaf, ulisik tittakason ve moveyer.
- Kinokaf gu tokcoba ? sersikam vaon djugreles ve abreyer.
- Kinokaf da ulí ! ulisik tenon tuamlitawes ve tenukeyer.
Aze sersikam bizakaf ve mallaniyir.
Milgik tenon en sotir abigapaf, bal koyara in pu int ve kaliyir.
 (Saint-Exupéry) ← 11-eaf luz - 12-eaf luz - 13-eaf luz → |
