BM Tel Rotik dank 02

Dɔnkili filanan

<poem> Mɔkɔ juku ! Jenni ye Mɔkɔ juku lɔn ba ? Mɔkɔ juku ! Njaka ! Mɔkɔ juku tɛ lɔn na ! Mɔkɔ juku wilira, K’ale ye mori di, Wuridi ntanba, Gafeba tiki. Mɔkɔ juku nara, K’a ye besi lɔn, Furabɔ ŋana, Bandalu kala. Kurubu-karaba, K’a ye lolan di. Dugu se ma gwɛ, K’a ye dukuren di. Teriya nara, K’a ye teri sɛbɛ. Kanu nara, K’ale kanuɲɔkɔn ɲuman. Furusiri selen, K’ale furuɲɔkɔnba. Tinbitanba ! Mɔkɔ juku tɛ lɔn na ! Sɔkɔmada la, A gwɛlen pewu-pewu. Wura ma se, A finnen mɔnimɔni ! Sufɛla nalen, A wule pɔrɔtɔtɔ ! Tele kunan nalen, A kɛlen wɛrɛtɛtɛ, A ɲɛgɛnni ka ban, Ka t’i malɔn fyéwu. Sinji kɛ wɔyɔ ! Sikiɲɔkɔn kɛ kule ! Lɔnbaka kɛ ŋunan ! Cɛ lafili, Moso manɔrɔnkɔli, Wasulu tonkan, Kɛlɛ ni wɔyɔ, Tonkan ni kiri, Nson fɔra nson kɔ, Jikiwaro banda. ‘Ntɛ’ te ban di faama bolo dɛ ! Kintikantan ! Hinɛ banda. Fɛn tɛ mɔkɔ bol’a, Jikiya tɛ ban. Juku tɛ mɔkɔ la Banda kelen kɔ. Sabaka bɔnɔlen Tobaka banda ŋana de ŋana domu, Baran dɔ kɛra Wolo tɛ konaya sa Makariko ye ! Sen bɔ, sendon Janfa jusiki. Jeli jatigi n’a jatɛkɛ Tɛ kelen ye dɛ ! N teri ni n tereke Fɛnɛ tɛ kelen ye. Gwadalu mana wɔyɔ, Muku tɔ na bɔ. Ko tɛ den na O tɛ ba hɛnɛ dɛ ! Njaka, njaka, Mɔkɔ juku man ɲi. Jenni ye n juku ye ? Mɔkɔ juku bɛ min ? Mɔkɔ juku ! Jenni ye Mɔkɔ juku lɔn ba ? Njaka ! Mɔkɔ juku tɛ lɔn na. </poem>