Kexi se tori jaktol
Un article de Wikikrenteem.
|
Ugale Yang Shuxian tiyir palsotik koe Jingzhou, jaktol dolge irubasikeem va zexapa sotadleyer. Konviele Yang ve askiyir da pist zo nirar aze va abrotcafi kexi zo gretcar. Bati vanpokeon zo rovilder kan : « Jaktol, batlizu bulul ! ». Logaveon viele ve vanpiyir bowesik, Yang Shuxian pu Zhao Dingji palsotik ke Jingzhou ve suteyer, ta da bliker da in va inafi tcilafi kexi kev jaktol ksudar. In va konak ksudaks kuraniyir. – Ta anamtavera va jinaf ristusikeem vaon djufavé, in kaliyir, kire Lingnan sane ware tir govitapafe. Zhao ta ksudara va kexi va dodelik yo ve stakseyer. Guazik eldeon ve laniyir aze pu in ve kaliyir : – Bak narera va koinga ke pistgretcaks jaktol se va toloy dodelik ixam al atad. |
