Sersikam Luz16
San-teveaf luz[modifier]Tela pereafa winta kle tiyir Tawava. Tawava me tir beta winta ! Decem-san-tanoy gazik (denon voldon ebeltaf gazik yo) is per-decitoy tawavopik is lerd-vuntoy arientik is per-celem-alub-vuntoy izkik is bar-celemoy greciik, trabe mon tol-felemoy milgik, tid. Ta rietara va lumeem ke Tawava, rokalí da abdi gandura va tral, moe kotaf tadaveem, ervoliinda dem balem-vunt-tev-san-tol-decit-alub-decem-san-tanoy sporvanteyasik zo gokiewagiyir. Batcoba va cuisafa keska sumumon askiyir. Lizireem ke bata ervolia dum kaleynagranka zo vexayar. Taneon tiyir siluk va sporvanteyasik yo ke Warzazelanda is Australia. Azon battan se, vanteyayas va intaf gumak, toz kenibeyed. Bam sporvanteyasik yo ke Sinia is Sibiria silukon artlaniyid. Azon ko erupa sin dere griawiyid. Bam sporvanteyasik yo ke Rossia is Inda silukon tiyid. Azon ke Afrika is Europa. Azon ke Geefa Amerika. Azon ke Lentefa Amerika. Ise luxe sintaf siluk sin meviele coeweyed. Batcoba tiyir ilamkafa. Vanteyasik va tanaf spor ke Lentepael is milexavik va tanaf spor ke Geepael tiyid antaf kliwon is grutcion blis : tolon tandon kobayad. |
| |||||||||||||||||||||||||||||||||||||||
 (Saint-Exupéry) ← 15-eaf luz - 16-eaf luz - 17-eaf luz → |
